ХААН банк болон BPN хамтран жижиг дунд бизнес (ЖДБ) эрхлэгчдийг дэмжих "Хөгжлийн хөтөлбөр"-ийг анх 2020 онд боловсруулсан. Энэ тусгай хөтөлбөр нь бизнесээ мэргэжлийн түвшинд удирдах хүсэлтэй бизнес эрхлэгчдэд зориулагдсан. 5 долоо хоногийн хугацаатай энэхүү хөгжлийн цогц хөтөлбөр нь ЖДБ эрхлэгчдэд тусгайлан боловсруулсан бизнесийн удирдлагын сургалтуудаас бүрдэх бөгөөд оролцогчид монгол, швейцар экспертүүдээс ганцаарчилсан бизнес зөвлөгөө болон көүчинг үйлчилгээ авах, мөн санхүүжилт авах боломжтой гэдгээр онцлог юм.
ХААН Банк болон BPN хамтран 2023 онд “Хөгжлийн хөтөлбөр”-ийг гурав дахь удаагаа амжилттай хэрэгжүүллээ. Энэ удаагийн хөтөлбөрт өөр өөр салбарын нийт 20 бизнес эрхлэгчид хамрагдан амжилттай дуусгалаа. Оролцогчдын 95% нь хөтөлбөрийг "маш сайн" болон "сайн" гэж үнэлсэн.
Бизнес эрхлэгчид мэргэжлийн өндөр түвшинд хүрэхийн тулд нуугдмал нөөц боломж, ур чадвараа олж илрүүлэхэд нь бид нөлөөлж чадлаа.
Нийт хөтөлбөрийн оролцогчдодоо бизнесийн өндөр амжилтыг хүсье!
С.Цэндсүрэн
Бизнес көүч
