Энэ удаагийн бизнес аяллаар 94 жилийн түүхт Швейцарын 
„RICOLA“ хэмээх ургамлын гаралтай чихрийн үйлдвэртэй танилцаж туршлага судаллаа. „RICOLA“ ХК нь1930 онд үүсгэн байгуулагдаж 1940 оноос хойш 13 нэр төрлийн ургамлын хольц бүхий жороор чихэр үйлдвэрлэж 1960 оноос бүтээгдэхүүнээ экспортолж эхэлсэн бөгөөд 1967 онд үйлдвэрлэлээ бүрэн автоматжуулж чадсан.
Үйлдвэртэй танилцах үеэр „RICOLA“ ХК-ийн үйлдвэрлэл хариуцсан орлогч захирал Thomas Fringeli монголын бизнес эрхлэгчдийг хүлээн авч уулзан, үйлдвэрлэлээ танилцуулж хөтөлбөрийн оролцогчдын сонирхсон асуултуудад хариулж өөрийн туршлага мэдлэгээсээ харамгүй хуваалцлаа.
Дашрамд хэлэхэд Thomas Fringeli нь BPN-ийн хөтөлбөрийн оролцогч бизнес эрхлэгчид шинэ бүтээгдэхүүн гаргах болон үйлдвэрлэлийн процессын сайжруулалтад зөвлөгөө өгч ажиллаж монголын чихэр үйлдвэрлэлийн түүхэнд өөрийн үнэтэй хувь нэмрээ оруулан ажиллаж буй нэгэн билээ.
