2019 онд найзынхаа санал болгосноор BPN-ийн Швейцар экспертүүдийн “Төслийн удирдлага”, “Бизнесийн удирдлага”, “Санхүүгийн удирдлага” сургалтад хамрагдсан нь саяхан мэт санагдаж байна. Сургалт удирдсан эксперт Ханс Вилхэлм, Маркус Эппэр, BPN-ийн чадварлаг хамт олон болон найздаа талархаад баршгүй.
2019 оны 11 сараас манай хамт олон жижиг дунд бизнес эрхлэгчдийг бизнесийн удирдлагын түвшинд чадавхжуулах зорилготой Швейцарын BPN байгууллагын хөтөлбөрийн оролцогч болсон.
Миний бие бага наснаас бизнесийн орчинд өссөн боловч бизнес эрхлэхдээ үнэнч шударга, даруу байх гэсэн үндсэн зарчмаас өөр бизнесийн удирдлагын арга барилгүй явж ирсэн гэдгээ сургалтад сууснаар ойлгосон юм. Сургалтын агуулга, жишээ загвар, ёс зүйтэй бизнесийн арга барилд суралцсан нь хувь хүний хөгжлийн түвшинд болон бизнесийн удирдлагын түвшинд өсөж, бодит үнэ цэнийг миний амьдралд бий болгожээ.
Түүнчлэн бид баг хамт олноороо сургалтуудад хамрагдсан нь мэргэжлийн түвшинд чадавхжих гол хөшүүрэг минь болсон. Цар тахлын үед ч баг хамт олноороо онлайнаар суралцаж байсандаа баяртай байна.
Мөн бид BPN Монгол байгууллагын бизнес эрхлэгчдийн нийгэмлэгийн гишүүн болсон бөгөөд 2022 оны 9-р сард Швейцар улсад туршлага судлах, мэргэжлийн экспертийн зөвлөгөө авахаар бизнес аялалд хамрагдахаар төлөвлөж байна. Энэ аялал манай байгууллагын хувьд чухал ач холбогдолтой бөгөөд дахин нэг шат хөгжих хөгжлийн эхлэл болно гэдэгт бид итгэлтэй байна.
Монголын үйлдвэр, бизнес эрхлэгч бид эрдэм мэдлэг, туршлагаар арвин байж сайхан Монгол орноо хамтдаа хөгжүүлье! BPN Монгол байгууллагын баг хамт олон, Швейцар эксперт, захирал Маркус Эппэр, төслийн удирдагч О. Эрдэнэсүрэн, ахмад эксперт Ханс Вилхэлм, орчуулагч Д. Сүнжидмаа нар болон нийт хамтран суралцагч бизнес эрхлэгч нартаа талархал илэрхийлье!
Та бүхний минь ажил үйлс үргэлж дэлгэрч байх болтугай!
