Бид 2023 оны 1-р улиралд ХААН Банк болон ТоС-той хамтран бизнес эрхлэгчдийг чадавхжуулах хөтөлбөрөө амжилттай хэрэгжүүллээ. Жижиг, дунд бизнес (ЖДБ) эрхлэгчдэд тусгайлан боловсруулсан хөгжлийн хөтөлбөрүүдийг өөр өөр салбарын 45 шинийг санаачлагч бизнес эрхлэгчдэд санал болгосон. Сургалтийн агуулгыг оролцогчдод ойлгомжтой хүргэх арга барил, мөн практикт суурилсан нь илүү үр дүнтэй байсан. Хөтөлбөрт оролцогчдын 95% нь хөтөлбөрийг "маш сайн" болон "сайн" хэмээн үнэлсэн.
Эдгээр цогц хөтөлбөрүүд нь бизнесээ мэргэжлийн түвшинд удирдах хүсэлтэй бизнес эрхлэгчдэд чиглэсэн бөгөөд бизнесийн удирдлагын сургалтууд болон ганцаарчилсан бизнес зөвлөгөө, көүчинг, мөн тоног төхөөрөмжийн санхүүжилт авах боломжийг олгож буйгаар онцлог юм.
Бид бизнесийн мэдлэгийг энгийн ойлгомжтойгоор бодит жишээ, туршлага дээр суурилан хүргэдэг тул сурсан зүйлээ өдөр тутмын үйл ажиллагаандаа хэрэгжүүлэх боломжтой. Үүнээс гадна бид сэтгэлгээний болон хандлагын өөрчлөлтөд анхаарч бизнесийн ёс зүйг сургалтуудаараа хүргэдэг. Бизнес эрхлэгчдийг юу амжилтад хүргэдэг вэ? Гол түлхүүр нь юу вэ? зэрэг асуултуудын дагуу бизнес эрхлэгчид бизнесээ хэрхэн өндөр үр ашигтай, үр дүнтэй удирдах дадалд суралцдаг.
BPN Монгол Улсын эдийн засаг, нийгмийн хөгжилд үр дүнтэй хувь нэмэр оруулах зорилгыг баримталж, тогтвортой, хариуцлагатай ЖДБ эрхлэгчдийг дэмжин ажилладаг.
Бидэнд итгэл хүлээлгэсэн ХААН Банк болон ТоС-д талархал илэрхийлж, цаашдын хамтын ажиллагаа улам өргөжинө гэдэгт итгэлтэй байна.
Хөтөлбөрийн оролцогчдодоо аз жаргал, баяр баясгалан, амжилтыг хүсэн ерөөе!
Маркус Эппэр
BPN Монгол салбарын захирал
