BPN сангийн дэргэдэх бизнес эрхлэгчдийн нийгэмлэг 2022 оны 11-р сарын 11-нд ээлжит "Networking Event"-ийг зохион байгууллаа. Энэ удаагийн арга хэмжээнд хүрэлцэн ирсэн хүндэт зочид болон бизнес эрхлэгчдэдээ нийгэмлэгийнхээ зорилго зорилт, бүтэц бүрэлдэхүүн, үйл ажиллагааны чиглэл, давуу талуудыг танилцуулж, бизнес эрхлэгчдийнхээ бүтээгдэхүүнүүдээс дээжлэн танилцуулсан нь онцлог байсан.
Мөн тус арга хэмжээний үеэр Чиглэл ХХК-ийн захирал хөтөлбөрийн оролцогч Ц.Бумцэнд “BPN-тэй анх танилцсан түүх, амжилтын нууц” сэдвээр богино хэмжээний илтгэл тавьж өөрийн мэдлэг туршлагаа хуваалцсан.
Үүнээс гадна BPN хөтөлбөрийн оролцогчид болох “Apple Moon” ХХК захирал Н. Дулам, Good Neighbours ХХК захирал Р.Баттөмөр, Номадик Адвенчур ХХК захирал Б.Бямбасүрэн нар Швейцар бизнес аялалд оролцсон сэтгэгдлээсээ хуваалцсан юм. Энэхүү хэлэлцүүлгийн гол зорилго нь бизнес аялалд хамрагдах шалтгаан, давуу тал болон зохион байгуулалтын талаар танилцуулах байв.
BPN Нийгэмлэг 2023 онд урьд өмнө хэрэгжүүлж байсан үйл ажиллагаагаа илүү өргөн хүрээнд зохион байгуулах ба шинээр олон ажлууд эхлүүлэхээр төлөвлөж байгаа тул бизнес эрхлэгчид та бүхнийг нийгэмлэгийнхээ үйл ажиллагаанд өргөнөөр хамрагдахыг урьж байна.
