Хөтөлбөрийн оролцогчид болон бизнес эрхлэгчдийнхээ санал хүсэлтэд тулгуурлан BPN-ийн “Бизнес академи”-аас „Бизнесийн гэрээ хэлэлцээр“ сургалтыг шинээр санал болгон амжилттай зохион байгууллаа.
Уг сургалтыг эрх зүйн чиглэлээр Швейцар болон олон улсын хэмжээний туршлагатай, салбарын эксперт, хуульч Штефан Хофер удирдан явуулсан бөгөөд гадаад худалдааны нөхцөлүүд, гэрээний зөв бүтэц, хөрөнгө оруулалтын болон Франчайз гэрээнүүдийн загваруудыг танилцуулах зэрэг бизнес эрхлэгчдэд тулгамддаг сэдвүүдийг хамарсан юм.
Мөн сургалтын хүрээнд BPN-ийн зарим хөтөлбөрийн оролцогчдод гэрээний эрх зүйн чиглэлээр зөвлөх үйлчилгээ үзүүлэн ажиллаа.
Эксперт Штефан Хофер нь 2024 онд дахин Монголын бизнес эрхлэгчдэд өөрийн мэдлэг, туршлагаа хуваалцан, дээрх сэдвийг гүнзгийрүүлэн сургалт хийх төлөвлөгөөтэй байгаа билээ.
