Бизнес көүчинг үйлчилгээ харьцангуй шинэ ойлголт хэдий ч сүүлийн жилүүдэд хурдацтай өргөжиж байна. Компани бүрийн нөхцөл байдал бусдаас онцгой, үүнтэй адил удирдагч бүрийн чадвар, арга барил харилцан адилгүй. Тиймээс бүх компанид тохирох нийтлэг нэг амжилтад хүргэх нууц жор гэж байхгүй. Харин компаниа амжилтад хүргэх тусгай жорыг зөвхөн бизнес эрхлэгчид өөрсдөө бүтээж чадна. Харин бизнес көүчүүд л тэднийг амжилтад чиглүүлж залах болно.
Зөвхөн гарааны бизнес эрхлэгчид болон жижиг дунд бизнес эрхлэгчдэд зөвлөгөө, көүчинг хэрэгтэй байдаггүйг өнөөдрийн бодит жишээнүүд баталсаар байна. Дэлхийн тэргүүлэгч том компаниудын удирдлагууд, удирдах түвшний ажилтнууд хэд хэдэн көүчтэй байх нь түгээмэл болсон.
Харин ковид-19 вирусээс үүдэлтэй цар тахал, эдийн засгийн хямрал, түүнээс үүдэлтэй бизнесийн орчны өөрчлөлтүүд, мөн хэрэглэгчдийн зан төлөвт гарсан өөрчлөлтүүд зэрэг нь компаниудын хувьд үргэлжилсэн олон сорилтуудыг үүсгэсээр байна. Ийм хүнд нөхцөлд компанийн удирдлагууд буюу бизнес эрхлэгчид ажлын байраа хадгалах, улмаар бизнесээ авч үлдэхийн тулд бүтээгдэхүүн үйлчилгээгээ сайжруулах, цаашлаад бизнес загвараа шинэчлэх шаардлагатай тулгарч байгаа.
Олон талын сорилт, шахалтууд дунд бизнес эрхлэгчид өдөр тутмын гал унтраах даалгавруудад анхаарал хандуулснаар бизнесийнхээ алсын хараа, зорилго зорилтууд болон бодлого стратегиа эргэцүүлэн шинэчлэх, улмаар түүндээ чиглэж ажиллахдаа хангалттай төвлөрч чаддаггүй. Тийм болохоор компанийн удирдлагуудад бизнес көүчинг үйлчилгээ улам их хэрэгтэй болж байна.
BPN сүүлийн жилүүдэд бизнес зөвлөгөө өгөх үйлчилгээнийхээ хажуугаар бизнес көүчингийн үйлчилгээг нэвтрүүлж, Швейцар болон Монгол көүчүүдээ ОУ-ийн көүчүүдийн сургалтад хамруулж, тэднийхээ ур чадварыг жил бүр нэмэгдүүлж, көүчингийн багаа тогтмол чадавхжуулж, томруулсаар байна.
Бид бизнес көүчинг үйлчилгээгээрээ дамжуулан бизнес эрхлэгчдэдээ өдөр тутмын үйл ажиллагаанаас түр хөндийрч компаниа том зургаар харах, бодлоо цэгцлэх, харах өнцгөө өөрчлөх боломжийг бүрдүүлж өгдөг. Ингэснээр тэд тулгамдаж буй асуудлаа зөв тодорхойлж, асуудалдаа гацах бус ирээдүйдээ төвлөрснөөр гарц шийдлээ олох, хайрцгаас гадуур сэтгэх, зорилгодоо чиглэх, нөөц боломжуудаа бүрэн дүүрэн ашиглан бизнесээ дараагийн түвшинд гаргахад чиглүүлдэг.
BPN Монгол салбар маань энэ жил көүчингийн багтаа 3 шинэ ажилтан авснаар өнөөдөр манай көүчинг баг 7 хүнтэй ажиллаж байна. Ингэснээр бид ирж буй 2023 ондоо илүү олон бизнес эрхлэгчдэд хүрч ажиллах таатай боломж бүрдэж байна.
Эрхэм хүндэт хөтөлбөрийн оролцогчид, бизнес эрхлэгчид та бүхэн бидэнтэй хамт бизнесээ дараагийн түвшинд гаргаарай. Амжилт руу хамтдаа тэмүүлье!
