BPN-ийн бизнес эрхлэгчдийн нийгэмлэгийн зүгээс зохион байгуулдаг бизнес аялал 2022 оны 9 сард зохион байгуулагдсан. Өнгөрсөн жилийн аялалд Эрүүл мэнд, аялал жуулчлал, худалдаа үйлчилгээ болон хүнс, барилгын материал, хувцас үйлдвэрлэлийн салбарын 9 бизнес эрхлэгчид хамрагдсан.
Энэхүү аяллын зорилго нь бизнес эрхлэгчид өөрсдийн үйл ажиллагаатай ижил Швейцарын үйлдвэрүүдтэй зочлох, компаниудын удирдлагуудтай уулзах, тэдний амжилтад хүрсэн туршлагатай танилцах юм.
Энэ удаагийн аяллын баг аяллаас буцаж ирээд багагүй хугацаа өнгөрсөн бөгөөд 2023 оны 1 сарын 25 өдөр туршлага, санал сэтгэгдлээ хуваалцах уулзалтыг зохион байгууллаа. Уулзалтын үеэр бизнес эрхлэгчид маань аяллын турш сурч мэдсэн чухал зүйлс юу байсан, тэдгээр олж авсан туршлагаа компанидаа хэрхэн хэрэгжүүлж байгаагаа бусадтайгаа хуваалцлаа. Жишээлбэл нэг бизнес эрхлэгч маань үйлчлүүлэгчдээ орж ирэхээс авхуулан өөрөө угтан авч харьцдаг болсон байна. Өөр нэг бизнес эрхлэгч маань компанийн бүтэц, зохион байгуулалтад оновчтой өөрчлөлт хийснээр бүтээмж нэмэгдэж байгаа талаараа хуваалцлаа.
Харин нэг бизнес эрхлэгч урьд өмнө нь орхигдуулдаг байсан брэндинг хийхдээ илүү ихээр анхаардаг болсон тухайгаа ярилаа. Мөн аялалд хамрагдсан бизнес эрхлэгчид маань BPN-ийн бизнес аялалд дахин хамрагдан илүү их сайн туршлага олж авах хүсэлтэй байгаа илэрхийллээ.
